14.04.2026 дырэктар Судова-экспертнай калегіі Генадзь Мікалевіч Ігнатковіч і начальнік выпрабавальнай лабараторыі Судова-экспертнай калегіі Дадзькоў Канстанцін Ігаравіч бралі ўдзел у III Рэспубліканскім навучальна-метадычным семінары «Актуальныя пытанні дасудовай вытворчасці па фактах парушэння правіл аховы працы, якія пацягнулі гібель або траўмаванне работнікаў на вытворчасьці», які быў зладжаны Цэнтральным апаратам Следчага камітэта Рэспублікі Беларусь. Начальнік выпрабавальнай лабараторыі К.І.Дадзькоў выступіў на семінары з дакладам «Асаблівасці правядзення экспертызы па абставінах няшчасных выпадкаў: дакументы, якія пацвярджаюць наяўнасць або адсутнасць прычынна-следчай сувязі з няшчасным выпадкам».

01–03.10.2025 начальнік выпрабавальнай лабараторыі Судова-экспертнай калегіі Канстанцін Ігаравіч Дадзькоў, інжынер па ахове навакольнага асяроддзя Алеся Уладзіміраўна Дадзькова і начальнік аддзела тэхнічных экспертыз Аляксей Уладзіміравіч Казак бралі ўдзел у Х Усерасійскай навукова-практычнай канферэнцыі з міжнародным удзелам «Абарона ад шуму і вібрацыі», якая праходзіла ў г. Санкт-Пецярбург, Расійская Федэрацыя. Канферэнцыя праводзілася ў форме пленарных і секцыйных пасяджэнняў, на якіх разглядаліся праблемы вібраакустыкі і абароны ад шуму. Арганізатарам мерапрыемства выступіў Балтыйскі дзяржаўны тэхнічны ўніверсітэт «ВАЕНМЕХ» імя Д.Ф. Усцінава.

05.03.2026 Генадзь Мікалаевіч Ігнатковіч, дырэктар Судова-экспертнай калегіі, браў удзел у круглым стале, прымеркаваным да Дня спажыўца, на тэму «Актуальныя пытанні абароны правоў спажыўцоў тавараў (работ, паслуг)».Сярод удзельнікаў мерапрыемства былі прадстаўнікі Нацыянальнага банка Рэспублікі Беларусь, Міністэрства антыманапольнага рэгулявання і гандлю, Нацыянальнага цэнтра заканадаўства і прававой інфармацыі, Нацыянальнага цэнтра абароны персанальных даных і інш. Генадзь Мікалаевіч выступіў на мерапрыемстве з дакладам на тэму «Найбольш актуальныя пытанні абароны правоў спажыўцоў пры правядзенні судовых экспертыз». Круглы стол, арганізаваны грамадскім аб’яднаннем «Рэгіянальнае таварыства абароны спажыўцоў», праходзіў у гатэлі «Еўропа» ў г. Мінску.

24.06.2025 дырэктар Судова-экспертнай калегіі Ігнатковіч Генадзь Мікалаевіч браў удзел у III Практычнай канферэнцыі "Інавацыйнае развіццё будаўнічага комплексу ў Рэспубліцы Беларусь", на якой выступіў у ліку спікераў з дакладам на тэму "Спрэчкі ў будаўніцтве: практычнае прымяненне будаўніча-тэхнічнай экспертызы". Таксама Генадзь Мікалаевіч ўдзельнічаў у панэльнай дыскусіі "Стратэгічныя арыенціры для будаўнічай галіны. Нарматыўнае рэгуляванне. Перспектывы жыллёвага будаўніцтва" у якасці эксперта.