Судова-экспертная калегія выконвае даследаванні ўсіх відаў лакафарбавых матэрыялаў і пакрыццяў. Лакафарбавыя пакрыцці ўяўляюць сабой ахоўныя і дэкаратыўныя слаі, якія наносяцца на паверхню вырабаў. Яны шырока прымяняюцца ў прамысловасці і побыце - ад аўтатранспартных сродкаў і будаўнічых канструкцый да бытавой тэхнікі, мэблі і іншых прадметаў.

Да аб’ектаў даследаванняў лакафарбавых матэрыялаў і пакрыццяў адносяцца:

• лакафарбавыя пакрыцці на афарбаваных прадметах;
• асобныя фрагменты пакрыццяў;
• узоры лакафарбавых матэрыялаў і іх кампанентаў (пігменты, фарбавальнікі, растваральнікі, напаўняльнікі, пластыфікатары);
• прадметы-носьбіты пакрыццяў (транспартныя сродкі, іх дэталі, адзенне, інструменты і інш.)

У рамках даследаванняў лакафарбавых матэрыялаў і пакрыццяў вырашаюцца наступныя задачы:

• дыягнастычныя - устанаўленне факту перафарбоўкі або падфарбоўкі, вызначэнне механізму ўтварэння слядоў, аднясенне пакрыцця да заводскага або нанесенага па-за вытворчасцю;
• класіфікацыйныя - выяўленне лакафарбавых матэрыялаў на носьбіце і вызначэнне іх віду, устанаўленне характару ўзнікнення дэфектаў пакрыццяў (вытворчыя або эксплуатацыйныя);
• ідэнтыфікацыйныя - устанаўленне агульнай прыналежнасці матэрыялаў адной групе пры наяўнасці параўнальных узораў, а таксама вызначэнне прыналежнасці асобных фрагментаў пакрыцця пакрыццю канкрэтнага аб’екта;
• сітуацыйныя - выяўленне факту кантактнага ўзаемадзеяння афарбаваных прадметаў (звычайна праводзіцца ў рамках комплексных аўтатэхнічных, трасалагічных экспертыз).

Пры правядзенні даследавання лакафарбавых пакрыццяў вырашаюцца наступныя пытанні:

• Ці маюцца на аб’екце сляды або часціцы лакафарбавых матэрыялаў?
• Які механізм утварэння слядоў (напластаванняў) лакафарбавых матэрыялаў або часціц лакафарбавых пакрыццяў?
• Ці адносіцца выяўленае рэчыва да лакафарбавых матэрыялаў? Калі так, то да якога канкрэтна віду (тыпу)?
• Ці з’яўляюцца часціцы, выяўленыя на аб’екце-носьбіце (месцы здарэння), часткай лакафарбавага пакрыцця пэўнага прадмета?
• Ці маюць параўноўваемыя ўзоры лакафарбавага пакрыцця агульнае паходжанне (групавую прыналежнасць)?
• Ці мела месца кантактнае ўзаемадзеянне афарбаваных аб’ектаў?
• Ці падвяргаўся прадмет-носьбіт пакрыцця поўнай або частковай перафарбоўцы? Калі так, то які яго першапачатковы колер?
• Завадскім або незавадскім спосабам нанесена лакафарбавае пакрыццё на прадмет-носьбіт?
• Ці маюцца дэфекты ў пакрыцці аўтатранспартнага сродку? Калі так, якія прычыны іх узнікнення (вытворчыя або эксплуатацыйныя)?

Звярнуцца па пытаннях правядзення даследавання лакафарбавых матэрыялаў і пакрыццяў у Судова-экспертную калегію вы можаце па адрасе: г. Мінск, вул. Жукоўскага, д. 11А, 4-ы паверх

або па тэлефонах: +375 (17) 317 04 71; +375 (17) 317 04 72; +375 (17) 317 04 73; +375 (17) 317 04 74; +375 (17) 317 04 76; +375 (29) 109 60 11; +375 (44) 588 60 11.