Да праектнай дакументацыі, неабходнай для прадстаўлення эксперту для вытворчасці тэхнічных (механіка-тэхналагічных) экспертыз, адносяцца:
- выкрэс дэталі – дакумент, які змяшчае малюнак дэталі і іншыя дадзеныя, неабходныя для яе вырабу і кантролю;
- зборачны выкрэс – дакумент, які змяшчае малюнак зборачнай адзінкі і іншыя дадзеныя, неабходныя для яе зборкі (вырабу) і кантролю;
- выкрэс агульнага выгляду – дакумент, які вызначае канструкцыю вырабу, узаемадзеянне ягоных складовых частак і які тлумачыць прынцып працы выраба;
- электрамантажны выкрэс – дакумент, які змяшчае дадзеныя, неабходныя для выканання электрычнага мантажу выраба;
- мантажны выкрэс – дакумент, які змяшчае контурны (спрошчаны) малюнак выраба, а таксама дадзеныя, неабходныя для яго ўсталявання (мантажу) на месцы ўжытку; да мантажных выкрэсаў таксама адносяць выкрэсы падмуркаў, якія адмыслова распрацоўваюцца для ўсталявання выраба;
- упаковачны выкрэс – дакумент, які змяшчае дадзеныя, неабходныя для выканання упакоўвання выраба;
- схема – дакумент, на якім паказаныя ў выглядзе умоўных малюнкаў або пазначэнняў складовыя часткі выраба і сувязі паміж імі;
- спецыфікацыя – дакумент, які вызначае склад зборачнай адзінкі, комплексу або камплекта;
- ведамасць спецыфікацый – дакумент, які змяшчае пералік усіх спецыфікацый складовых частак выраба з указаннем іх колькасці і ўваходнасці;
- ведамасць спасылкавых дакументаў – дакумент, які змяшчае пералік дакументаў, на якія ёсць спасылкі ў канструктарскіх дакументах выраба;
- ведамасць пакупных вырабаў – дакумент, які змяшчае пералік пакупных вырабаў, што ўжытыя ў распрацаваным вырабе;
- ведамасць тэхнічнага праекту – дакумент, які змяшчае пералік дакументаў, якія ўвайшлі ў тэхнічны праект;
- тлумачальная цыдулька – дакумент, які змяшчае апісанне прылады і прынцып дзеяння распрацаванага выраба, а таксама абгрунтаванне прынятых пры яго распрацоўцы тэхнічных і тэхніка-эканамічных рашэнняў;
- праграма і методыка выпрабаванняў – дакумент, які змяшчае тэхнічныя дадзеныя, якія падлягаюць праверцы пры выпрабаванні вырабаў, а таксама парадак і метады іх кантролю;
- разлікі – дакументы, якія змяшчаюць разлікі параметраў і велічынь, напрыклад, разлік размерных ланцугоў, разлік на трываласць і інш.;
- інструкцыя – дакумент, які змяшчае ўказанні і правілы, якія выкарыстоўваюцца пры вытврчасці выраба (зборцы, рэгулёўцы, кантролі, прыёмцы і т.п.).
Пракансультавацца па пытаннях прызначэння судовай тэхнічнай (механіка-тэхналагічнай) экспертызы ў Судова-экспертнай калегіі Вы можаце па адрасе:г. Мінск, вул. Жукоўскага, д. 11А, 4-ы паверх
або па тэлефонах +375 (17) 317 04 71; +375 (17) 317 04 72; +375 (17) 317 04 73; +375 (17) 317 04 74; +375 (17) 317 04 75; +375 (17) 317 04 76; +375 (44) 588 60 11.
