Судова-экспертная калегія праводзіць фізіка-механічныя выпрабаванні палімернай плёнкі і пакетаў на адпаведнасць патрабаванням тэхнічных нарматыўных прававых актаў.

Палімерныя плёнкі і пакеты дзякуючы сваім унікальным уласцівасцям шырока ўжываюцца ў будоўлі, для пакавання, транспартавання і захоўвання харчовай і прамысловай прадукцыі, у якасці матэрыялаў для пакрыцця мэблі, парнікоў, ламінату і г.д. Выконваючы сваю асноўную функцыю – ахоўную – палімерныя плёнкі і пакеты іграюць важную ролю ў захаванні ўласцівасцяў прадукту і яго якасці. Таму таксама важна, каб асноўныя характарыстыкі плёнак і пакетаў адказвалі патрабаванням, якія ўстаноўленыя ў стандартах якасці для дадзенай прадукцыі.

Патрэбным этапам працэдуры пацверджання адпаведнасці прадукцыі патрабаванням заканадаўчых актаў, стандартаў, тэхнічных рэгламентаў ці ўмоў, нормаў, правіл з’яўляецца правядзенне выпрабаванняў.

Выпрабаванні палімернай плёнкі ў Судова-экспертнай калегіі праводзяцца па наступных параметрах:

• выгляд (наяўнасць расколін, разрываў, зморшчын, скразных адтулін);
• геаметрычныя параметры плёнкі (таўшчыня, шырыня);
• усаджванне пры нагрэве;
• мяжа трываласці пры расцяжэнні і інш.

Выпрабаванні палімерных пакетаў у Судова-экспертнай калегіі праводзяцца па наступных параметрах:

• выгляд (наяўнасць расколін, разрываў, скразных адтулін);
• зліпанне ўнутраных паверхняў;
• герметычнасць зварных швоў;
• геаметрычныя памеры (даўжыня, шырыня, таўшчыня);
• трываласць зварных швоў.

Падчас выпрабаванняў выяўляецца адпаведнасць прадукцыі патрабаванням бяспекі і стандартам якасці, якія ўстаноўленыя для дадзенай прадукцыі, а таксама выяўляецца адпаведнасць функцыйных паказчыкаў вырабаў будучым умовам эксплуатацыі, надзейнасць і ўстойлівасць вырабаў да розных вонкавых уплываў.

Выпрабаванні ў Судова-экспертнай калегіі праводзяцца ў выпрабавальнай лабараторыі з дапамогай адмысловага абсталявання і павераных сродкаў вымярэння, якія занесеныя ў Дзяржаўны рэестр сродкаў вымярэнняў Рэспублікі Беларусь, а таксама па методыках, якія ўстаноўленыя ў тэхнічных нарматыўных прававых актах, што дзейнічаюць на тэрыторыі Рэспублікі Беларусь і Мытнага Звязу.

Падчас даследаванняў могуць ужывацца як разбуральныя, гэтак і неразбуральныя метады кантролю. Па завяршэнні выпрабаванняў складаецца пратакол, які пацвярджае ці не пацвярджае адпаведнасць прадукцыі патрабаванням нарматыўных дакументаў.

Замовіць правядзенне выпрабаванняў палімерных плёнак і пакетаў у Судова-экспертнай калегіі Вы можаце па адрасе: г. Мінск, вул. Жукоўскага, д. 11а, 4-ы паверх

або па тэлефонах +375 (17) 317 04 71; +375 (17) 317 04 72; +375 (17) 317 04 73; +375 (17) 317 04 74; +375 (17) 317 04 76; +375 (44) 588 60 11, +375 (29) 109 60 11

Судова-экспертная калегія праводзиць экспертызы ўсіх відаў кліматычнага абсталявання.

У наш час арганізацыі ўсё часцей і часцей задумваюцца аб стварэнні спрыяльнага мікраклімату на працоўных месцах і ў вытворчых памяшканнях.

Вызначана, што на эфектыўную прадукцыйнасць працаўніка ўплываюць гэткія паказчыкі мікраклімату, як тэмпература ў працоўнай зоне, адносная вільготнасць, хуткасць руху паветра, аб'ём паступаючага паветра на працоўнае месца (працоўную зону).

Кліматычнае абсталяванне складаецца з бытавых і прамысловых электрапрыладаў, задачай якіх з'яўляецца аптымізацыя і паляпшэнне кліматычных умоў на працоўным месцы і ў памяшканні ў цэлым. Да гэткіх прыладаў, зазвычай, належаць:

• кандыцыянеры з функцыяй ачысткі паветра;
• спліт-сістэмы насценна-столевага тыпу;
• мультыспліт-сістэмы, мабільныя кандыцыянеры;
• канальныя кандыцыянеры;
• чылер-сістэмы і шмат інш.

Правільна падабранае і змантаванае кліматычнае абсталяванне здольна стварыць спрыяльныя для здароўя чалавека ўмовы працы ў памяшканні.

Асноўнымі вузламі кліматычнага абсталявання з'яўляюцца:

• кампрэсар;
• кандэнсатар;
• тэрмарэгулюючы вентылятар (ТРВ);
• выпарнік;
• асушальнік;
• фільтры.

Вышэйпералічаныя вузлы дазваляюць у поўнай меры рэгуляваць параметры мікраклімату, як у рэжыме астуджэння, гэтак і ў рэжыме абагравання паветра, а адмова кожнага з іх робіць працу кліматычнага абсталявання немагчымай.

Зыходзячы з экспертнай практыкі Судова-экспертнай калегіі, у кліматычным абсталяванні найчасцей сустракаюцца ніжэйпералічаныя дэфекты (нястачы), якія ўзнікаюць па наступных прычынах:

• няспраўнасць электрычнай схемы:
  • адмова засцерагальніка;
  • адмова пускальніка электрарухавіка;
  • растулены ланцуг кіравання;
  • няспраўная электраправодка;
• страта масла падчас працы кампрэсара:
  • недастатковая колькасць холадагенту ў сістэме;
  • закаркаваны фільтр ці тэрмарэгулюючы вентылятар;
• павышаны шум падчас працы абсталявання:
  • недастатковая колькасць масла ў сістэме;
  • вібрацыя ў трубаправодзе;
  • лішак масла ў сістэме;
• нізкая прадукцыйнасць абсталявання:
  • падмярзанне/забруджванне выпарніка;
  • зніжэнне ціску выпарніка, фільтра, асушальніка;
• высокі/нізкі ціск нагнятання:
  • неадпаведная колькасць холадагенту ў сістэме;
  • няспраўнасць клапана кампрэсара;
  • забруджаны кандэнсатар і шмат інш.

Усе пералічаныя дэфекты (недахопы) у працы кліматычнага абсталявання могуць паўстаць з-за самаадвольнай адмовы аднаго з вузлоў сістэмы або з прычыны парушэнняў правілаў эксплуатацыі або мантажу абсталявання.
На вырашэнне незалежнай экспертызы па вызначэнні прычын узнікнення дэфектаў і адмоў кліматычнага абсталявання ў Судова-экспертнай калегіі ставяцца наступныя пытанні:

• Якая прычына адмовы (наяўнасці дэфекту) абсталявання (азначыць тып, вытворцу, мадэль, серыйны нумар)?
• Якая прычына неналежнай працы абсталявання (азначыць тып, вытворцу, мадэль, серыйны нумар)?
• Ці адпавядаюць тэхнічныя характарыстыкі абсталявання патрабаванням тэхнічных нарматыўных прававых актаў Рэспублікі Беларусь па патрабаванням мікраклімату ў працоўнай зоне?

Пры правядзенні экспертызы кліматычнага абсталявання ў Судова-экспертнай калегіі для вырашэння вышэйпералічаных пытанняў пажадана падаць усю наяўную дакументацыю:

• праектную, тэхналагічную і эксплуатацыйную дакументацыю;
• акты ўводу ў эксплуатацыю, рэкламацыі, дэфектацыі і г.д.

Пракансультавацца па пытаннях дыягностыкі і экспертызы кліматычнага абсталявання ў Судова-экспертнай калегіі Вы можаце па адрасе: г. Мінск, вул. Жукоўскага, д. 11а, 4-ы паверх

або па тэлефонах +375 (17) 317 04 71; +375 (17) 317 04 72; +375 (17) 317 04 73; +375 (17) 317 04 74; +375 (17) 317 04 75; +375 (17) 317 04 76; +375 (44) 588 60 11; +375 (44) 786 60 11.

© Ю.С.Ракаў

Судова-экспертная калегія праводзіць экспертызы па вызначэнні аб'ёму і кошту выкананай працы як у судовым, гэтак і ў дасудовым парадку.

Даследаванне на прадмет вызначэння аб'ёму і кошту выкананай працы праводзіцца як у выпадку ўзнікнення спрэчак паміж замоўцам і падраднай арганізацыяй (экспертыза аб'ёму і кошту выкананай працы пасля сканчэння будавання, рэканструкцыі, рамонту), гэтак і падчас будавання, рэканструкцыі, рамонту для правядзення тэхнічнага нагляду за выкананнем працы. Таксама даследаванне дазваляе выявіць кошт аплачанай, але нявыкананай працы, якая была прадугледжаная па дамове.

Падчас выканання экспертызы ў Судова-экспертнай калегіі праводзяцца наступныя віды працы:

• фактычны агляд аб'екта;
• правядзенне выямральнай працы на аб'екце;
• вывучэнне і аналіз пададзеных для даследавання матэрыялаў (прыкладам, фотаматэрыялаў, якія адлюстроўваюць стан аб'екта да выканання доследнай працы);
• супастаўленне паказаных у матэрыялах дадзеных з вынікам, які быў вызначаны пры фактычным аглядзе;
• па фактычных выніках вымяральнай працы і на падставе праведзенага даследавання складаецца разлік кошту фактычна выкананай рамонтна-будаўнічай працы ў цэнах па стану на вызначаную дату.

Разлік кошту працы і матэрыялаў выконваецца па дзейнай у Рэспубліцы Беларусь з 1 студзеня 2012 года методыцы, якая абавязковая для разліку кошту будаўніча-мантажнай і рамонтна-будаўнічай працы ў адпаведнасці з патрабаваннямі Ўказа Прэзідэнта Рэспублікі Беларусь ад 11 жніўня 2011 г. № 361. Таксама пры вызначэнні кошту выкарыстоўваюцца НРР 8.01.104-2012 «Метадычныя ўказанні па ўжыванні нарматываў расходу рэсурсаў у натуральным выяўленні».

Вызначэнне кошту матэрыялаў, якія не паказаныя у рэспубліканскай нарматыўнай базе бягучых цэн на рэсурсы, выконваецца па сярэднерознічным кошце на аналагічныя матэрыялы на момант правядзення даследавання, з улікам памераў, тэхнічных характарыстык і краіны вытворцы, каэфіцыента змены кошту, які вызначаны суадносінамі яго значэння па стану на момант правядзення даследавання да значэння па стану на вызначаную дату.

Кошт аналагічных матэрыялаў вызначаецца на падставе інфармацыйных дадзеных перыядычнага друку будаўнічага профілю, а таксама кошту, які усталяваны ў заводаў-вытворцаў і прадпрыемстваў пашыраннікаў, цэн на будаўнічых рынках і ў будаўнічых крамах, як сярэдні кошт у рознічным гандлі на аналагічныя тавары.

На вырашэнне экспертызы ў Судова-экспертнай калегіі ставяцца наступныя пытанні:

• Якія аб'ём і якасць выкананай будаўнічай, рамонтна-будаўнічай, рамонтна-аднаўленчай працы (азначыць адрас доследнага аб'екта) у цэнах па стану на (азначыць дату)?
• Які кошт выкананай будаўнічай, рамонтна-будаўнічай, рамонтна-аднаўленчай працы (азначыць адрас доследнага аб'екта) у цэнах па стану на (азначыць дату)?

Экспертыза выконваецца адмыслоўцамі, якія маюць вышэйшую інжынерна-будаўнічую адукацыю, адмысловую падрыхтоўку ў галіне выканання судовай будаўніча-тэхнічнай экспертызы і экспертызы па пытаннях ацэнкі кошту аб'ектаў грамадзянскіх правоў.

Абследаванне аб'ектаў экспертызы выконваюцца метадам візуальнага агляду стану аб'ектаў і патрэбных кантрольных абмераў і вымярэнняў з фіксацыяй вынікаў на месцы і наступным вызначэннем аб'ёма працы па атрыманых фактычных дадзеных. Агляд вырабляецца з дапамогай павераных сродкаў вымярэнняў і дапаможнага абсталявання, якія занесеныя ў Дзяржаўны рэестр сродкаў вымярэнняў Рэспублікі Беларусь.

Па выніках праведзенага даследавання выяўляецца і фіксуецца факт выканання комплексу будаўнічай, рамонтна-будаўнічай, рамонтна-аднаўленчай працы ў доследным аб'екце з указаннем пэўнага пераліку працы і яе аб'ёму.

Замовіць экспертызу па вызначэнні аб'ёму і кошту выкананай працы ў Судова-экспертнай калегіі Вы можаце па адрасе: г. Мінск, вул. Жукоўскага, д. 11А, 4-ы паверх

або па тэлефонах +375 (17) 317 04 71; +375 (17) 317 04 72; +375 (17) 317 04 73; +375 (17) 317 04 74; +375 (17) 317 04 75; +375 (17) 317 04 76; +375 (44) 588 60 11.

Судова-экспертная калегія праводзіць экспертызу пломбаў лічыльнікаў актыўнай энергіі і лічыльнікаў расходу вады.

У наш час усё часцей мае месца няўлічанае выкарыстанне электраэнергіі або спажыванне вады. Ва ўмовах няпростай эканамічнай сітуацыі карыстачы звяртаюцца да розных спосабаў скарачэння колькасці спажыванай электраэнергіі і вады, і не заўсёды гэтыя спосабы бываюць дапушчальнымі з пункту гледжання закона. У апошні час фіксуюцца шматлікія факты самавольнага ўмешвання ва ўнутраную канструкцыю лічыльніка, што цягне накладанне фінансовых спагнанняў з боку энергазабяспечнай або водазабяспечнай арганізацыі.

Дзеля прадухілення несанкцыянаванага ўмешвання ва ўнутраную канструкцыю лічыльнікаў прадугледжаная адмысловая працэдура – пламбаванне крапежных вінтоў корпуса лічыльніка. Пламбаванне ажыццяўляе дзяржаўная метралагічная служба, якая праводзіць перыядычную або першасную паверку лічыльнікаў. На пломбе паказваюцца дадзеныя пра арганізацыю, якая праводзіла паверку, а таксама квартал і год паверкі. Каб належным чынам апламбаваць корпус лічыльніка, выкарыстоўваецца таксама палімерная лёска, якая мацуецца да адмысловых адтулін, якія праходзяць праз галоўкі крапежнага вінта лічыльніка.

Энергазабяспечная арганізацыя можа візуальна вызначыць, ці мела месца ўмешванне ў канструкцыю лічыльніка, але, для таго, каб адназначна зрабіць выснову пра парушэнне цэласнасці пломбы, патрабуецца правядзенне адмысловых даследаванняў. Аднак не заўсёды здагадкі пра парушэнне цэласнасці пломбы пацвярджаюцца вынікамі экспертызы. Нярэдка пры правядзенні даследаванняў можа апынуцца, што цэласнасць пломбы не парушалася.

Судова-экспертная калегія праводзіць экспертызу, аб'ектам даследавання якой з'яўляецца пломба лічыльніка актыўнай энергіі або лічыльніка расходу вады. Зазвычай, пломбы вырабляюцца з металу, аднак сустракаюцца і пломбы з палімернага матэрыялу. Для вызначэння прыкмет парушэння цэласнасці пломбаў адмыслоўцамі Судова-экспертнай калегіі праводзяцца адмысловыя макра- і мікраскапічныя даследаванні паверхні пломбы. У выніку даследавання робіцца магчымым адназначна вызначыць, мае доследная пломба прыкметы парушэння цэласці або не. У гэтым выпадку на вырашэнне экспертызы ў Судова-экспертнай калегіі ставіцца наступнае пытанне: «Ці ёсць прыкметы парушэння цэласнасці пломбы лічыльніка пасля яго пламбавання?».

Яшчэ адным спосабам умешвання ва ўнутраную канструкцыю лічыльніка актыўнай энергіі або лічыльніка расходу вады з'яўляецца механічнае ўздзеянне на корпус лічыльніка. У выніку з дапамогай адмысловых прыстасаванняў робяцца магчымымі розныя маніпуляцыі з лічыльным механізмам лічыльніка, парушаючы яго нармальную працу. У гэтым выпадку на вырашэнне экспертызы ў Судова-экспертнай калегіі ставіцца наступнае пытанне: «Ці ёсць прыкметы вонкавага механічнага ўздзеяння на механізм лічыльніка актыўнай энергіі (расходу вады)?».

Пры правядзенні даследавання ў Судова-экспертнай калегіі ўжываецца паверанае вымяральнае абсталяванне і сучасная павелічальная тэхніка (адмысловыя мікраскопы і іншыя сродкі).

Замовіць правядзенне экспертызы пломбаў лічыльнікаў актыўнай энергіі і лічыльнікаў расходу вады ў Судова-экспертнай калегіі Вы можаце па адрасе: г. Мінск, вул. Жукоўскага, д. 11а, 4-ы паверх

або па тэлефонах +375 (17) 317 04 71; +375 (17) 317 04 72; +375 (17) 317 04 73; +375 (17) 317 04 74; +375 (17) 317 04 75; +375 (17) 317 04 76; +375 (29) 656 60 11; +375 (44) 588 60 11.

Судова-экспертная калегія праводзіць аналіз і распрацоўку эксплуатацыйнай дакументацыі розных відаў вытворчага абсталявання.

У наш час на рынку Рэспублікі Беларусь пададзеная вялікая колькасць абсталявання рознага прызначэння ад вытворцаў з Еўропы, Паўднёва-Усходняй Азіі і іншых замежных рэгіёнаў. Кожная адзінка абсталявання ў залежнасці ад прызначэння павінная камплектавацца эксплуатацыйнай, рамонтнай і іншымі відамі дакументацыі.

На тэрыторыі Рэспублікі Беларусь як краіны-удзельніцы Мытнага звязу да рэалізацыі дапускаецца абсталяванне, якое адпавядае тэхнічным рэгламентам Мытнага звязу (ТР ТС), а таксама іншым тэхнічным нарматыўным прававым актам. У дадзеных тэхнічных рэгламентах утрымліваюцца, у тым ліку, і патрабаванні да зместу тэхнічнай дакументацыі.

Часцяком тэхнічная дакументацыя, што пастаўляецца з абсталяваннем імпартнай вытворчасці, мае тыя ці іншыя неадпаведнасці патрабаванням тэхнічных рэгламентаў Мытнага звязу і тэхнічных нарматыўных прававых актаў. Паводле беларускага тэхнічнага заканадаўства такое абсталяванне не можа быць уведзенае ў эксплуатацыю (эксплуатацыя абсталявання без належным чынам аформленай тэхнічнай дакументацыі з'яўляецца грубым парушэннем тэхнічнага заканадаўства).

Судова-экспертная калегія дае паслугі па ацэнцы тэхнічнай дакументацыі на адпаведнасць патрабаванням тэхнічных рэгламентаў Мытнага звязу і іншых тэхнічных нарматыўна прававых актаў з парадай па скасаванні выяўленых неадпаведнасцяў. Таксама адмыслоўцы Судова-экспертнай калегіі прапануюць паслугі па поўнай або частковай распрацоўцы тэхнічнай дакументацыі ў адпаведнасці с абавязковымі патрабаваннямі Еўразійскай эканамічная супольнасці.

Аналіз тэхнічнай дакументацыі ў Судова-экспертнай калегіі праводзіцца кваліфікаванымі адмыслоўцамі, якія маюць веды ў галіне заканадаўства прамысловай бяспекі, а таксама адмысловыя веды ў галіне правядзення тэхнічнай экспертызы.

Пракансультавацца па пытаннях правядзення аналізу тэхнічнай дакументацыі ў Судова-экспертнай калегіі Вы можаце па адрасе: г. Мінск, вул. Жукоўскага, д. 11а, 4-ы паверх

або па тэлефонах +375 (17) 317 04 71; +375 (17) 317 04 72; +375 (17) 317 04 73; +375 (17) 317 04 74; +375 (17) 317 04 75; +375 (17) 317 04 76; +375 (29) 656 60 11; +375 (44) 588 60 11.

© А.Ю.Борахаў